لە کۆمەڵگەی مسریکێی سەر بە قەزای سیمێلی پارێزگای دهۆک، هاوڵاتییان لەبەر نەبوونی خزمەتگوزاری خۆپیشاندانیان ئەنجامدا و شەقامی سەرەکیی کۆمەڵگەکەیان داخست.
ساڵح غازی، بەرپرسی ڕاگەیاندنی قائیمقامیەتی قەزای سێمێل بە تۆڕی میدیایی ئێستای ڕاگەیاند، خۆپیشاندانەکە بۆ ماوەی کاتژمێرێک بەردەوامبووە و هاوڵاتییان داوای خزمەتگوزارییەکانیان دەکرد.
ئاماژەی بەوەکرد، لەئێستادا دوای گفتوگۆ لەگەڵ خۆپیشاندەران کۆتایی بە خۆپیشاندانەکە هاتووە.
بەرپرسی ڕاگەیاندنی قائیمقامیەتی قەزای سێمێل وتیشی، “وەکو ئیدارەی قەزای سێمێل چووینەتە لای خوپێشاندەرەکان و لەسەر ئەوە ڕێککەوتین ڕۆژی یەکشەممە لەگەڵ نوێنەری خۆپیشاندەراندا کۆببینەوە بۆ چارەسەرکردنی کێشەکانیان”.
