نرخی نەوت لە بازاڕەكانی جیهاندا بەرزبوونەوەیەكی نوێی تۆماركرد و نرخی هەر بەرمیلێك نەوتی برێنت نزیكەی دوو دۆلار بەرزبووەوە.
بەیانی ئەمڕۆ دووشەممە لەگەڵ كردنەوەی بازاڕەكاندا، نرخی نەوت بەرزبوونەوەی بەخۆوە بینی و نرخی بەرمیلێك نەوتی برێنت بە ڕێژەی 1.50 دۆلار بەرزبووەوە و بە 72.92 دۆلار مامەڵەی پێوەكرا.
هاوكات نرخی بەرمیلێك نەوتی تەكساسیش بە ڕێژەی 1.24 دۆلار بەرزبووەوە و بە 70.49 دۆلار مامەڵەی پێوەكرا.
لای خۆیەوە، ئاژانسی ڕۆیتەرز ڕایگەیاند، هۆكاری بەرزبوونەوەی نرخی نەوت بۆ زیاتر عەمباركردنی نەوتە لەلایەن چینەوە.
