ژنێکی خەڵکی شیراز دوای ئەوەی ژانی منداڵبوون دەیگرێت و دەبرێتە نەخۆشخانەی “حەزرەتی زەینەب” بە سکێک چوار کوڕ و کچێک دەهێنێتە دونیاوە.
فاتیمە سادات، بەڕێوەبەری نەخۆشخانەی “حەزرەتی زەینەب” ڕایگەیاندووە، “ژنێکی تەمەن 29 ساڵی خەڵکی شارۆچکەی جیوم لارستانی شیراز لە دووەمین ئەزموونی سکپڕیدا پێنج منداڵی بووە کە تەنها یەک کچیان تێدایە.”
بە وتەی بەڕێوەبەری نەخۆشخانەکە، منداڵەکان بە بەراورد بەو دۆخەی تێیدابوون باری تەندروستیان باشە و کێشی هەریەک لە منداڵەکان دەگاتە یەک کیلۆ و نیوو.
بەڕێوەبەری نەخۆشخانەکە ئاشکراشیکردووە، باوکی منداڵەکان کرێکارە و لەکاتی گەیاندنی دایکەکە بە نەخۆشخانە ئامادە نەبووە و دواتر هەواڵەکەیان بە تێلەفۆن پێ ڕاگەیاندووە.
