کەسێک لە سلێمانی دەستگیرکرا زیاتر لە دەفتەرێک دۆلار و بڕێک ئاڵتونی دزیبوو

پۆلیسی سلێمانی ڕایگەیاند، کەسێک کەسێکیان دەستگیرکردووە زیاتر لە دەفتەرێک دۆلار و بڕێک ئاڵتونی دزیووە و هەموو پارە و ئاڵتونە دزراوەکە دەستیبەسەردا گیراوە.

پۆلیسی سلێمانی لە ڕاگەیەندراوێکدا دەڵێت، ” پاش ئەوەی ھاوڵاتییەک سکاڵای تۆمار کرد کە بڕی (8 ملیۆن و 450ھەزار دینار) و (17 ھەزارو 300 دۆلاری ئەمریکی – 173 گەڵا) و بڕێک ئاڵتونی لێ دزراوە، دەستبەجێ ھێزەکانی پۆلیس لێکۆڵینەوەو بەدواداچونەکانیان دەستپێکردو دوای وەرگرتنی بڕیاری بەڕێز دادوەر، توانرا تۆمەتبار دەستگیربکرێت و دەستیشبگیرێت بەسەر ئەو پارەو ئاڵتونەدا کە دزیبووی.”

پۆلیس ڕاشیگەیاندووە، “تۆمەتبار (ک، غ،ع) لەدایکبووی 1984 لەبەردەم دادوەری لێکۆڵینەوەدا دانی بەتاوانەکەیدا ناوەو لەئێستادا بەپێی ماددەی 443 لەیاسای سزادان ڕاگیراوە.”

بابەتی پێشتر

فاروقی مەلا مستەفا: هیچ هێزێک نەهاتووەتە نزیک مەکتەبەکەم و کاروبارمان ئاساییە

بابەتی دواتر

زانیاریی ترسناک لە تەندروستیی جیهانییەوە: کۆرۆنا تا هەتایە لەگەڵمان دەمێنێتەوە

بابەتی پەیوەندیدار
Total
6
Share