بەڕێوبەرایەتیی گشتیی نەهێشتنی مادە هۆشبەرەکان، ئەمڕۆ شەممە 24ی تشرینی یەکەم، ئاشکرایکرد، پێنج کەسیان بەتۆمەتی مامەڵەکردن بە مادەی هۆشبەر دەستگیرکرووە و دەستبەسەر بڕێک مادەی هۆشبەریشداگیراوە.
بەڕێوبەرایەتیی نەهێشتنی مادە هۆشبەرەکان ناسنامەی ئەو تۆمەتبارانەی بەمجۆرە بڵاوکردووەتەوە:
1ـ دەستبەسەرداگرتنی بڕی ( 1،760 ) یەك کیلۆ و حەوت سەد و شەست گرام ماددەی هۆشبەر لەجۆری ( هێرۆین ) لەگەڵ دەستگیرکردنی تۆمەتبارێك بەناوی ( هـ ـ خ ـ ر ).
2ـ دەستبەسەرداگرتنی بڕی ( 1 ) یەك کیلۆ گرام ماددەی هۆشبەر لەجۆری ( کریستاڵ ) لەگەڵ دەستگیرکردنی ( ۲ ) دوو تۆمەتبار بەناوەکانی(و ـ ع ـ ح ) و ( ش ـ ك ـ ح ).
3- دەستبەسەرداگرتنی بڕی ( 86 ) هەشتا و شەش گرام ماددەی هۆشبەر لەجۆری ( کریستاڵ ) لەگەڵ دەستگیرکردنی ( 2 ) دوو تۆمەتبار بەناوەکانی(ع ـ ر ـ ع) و ( ص ـ م ـ ر ).
لە لایەکی دیکەوە بەڕێوبەرایەتیی پۆلیسی ھەولێر، ڕاگەیەنراوێکی لە پەڕەی فەرمیی خۆی، لە تۆڕی کۆمەڵایەتیی فەیسبوک بڵاوکردووەتەوە و تێیدا ھاتووە، “بەشی پۆلیسی فریاکەوتنی ھەولێر، لە گۆڕستانی شێخ ئەحمەد سێ کەسیان بە ناوەکانی (ب.ج.ق) و (م.م.ح) و (ک.ش.ھ) بە تۆمەتی بەکارھێنانی مادەی ھۆشبەر دەستگیر کرد”.
لە ڕاگەیەنراوەکەدا ئەوەش خراوەتەڕوو، “لە کاتی دەستگیرکردنی تۆمەتبارەکاندا بڕێک مادەی ھۆشبەر و کەلوپەلی بەکارھێنانی مادە ھۆشبەرەکانیان پێبووە و دەستیانبەسەردا گیراوە، هەروەها دەست بەسەر ئۆتۆمبێلەکەشیاندا گیراوە”.
