هاوپەیمانیی فەتح كاندیدی بۆ پۆستی سەرۆك وەزیرانی داهاتوو هەیە

ئەندامێكی هاوپەیمانیی فەتح لە پەرلەمانی عێراق ئاشكرایدەكات، ئەگەر هاوپەیمانێتییەكەیان زۆرترین كورسی بەدەستبهێنێت، كاندیدیان بۆ پۆستی سەرۆك وەزیرانی داهاتوو دەبێت.

نەعیم عەبودی، ئەندامی هاوپەیمانیی فەتح لە پەرلەمانی عێراق ڕایگەیاند، “دوو بنەما بۆ سەرۆکایەتیی حکومەتی داهاتوو هەن، یەکەمیان ژمارەی کورسییەکانە و ئەوەی دیكەش چۆنییەتی هاوپەیمانێتییەکانە”.

جەختیشیكردەوە، “ئەگەر فەتح بتوانێت کورسیی زۆر بەدەستبهێنێت و لێکتێگەیشتنی لەگەڵ فراکسیۆنەکانی دیکە هەبێت، ئەوا هادی عامری بۆ پۆستی سەرۆک وەزیرانی داهاتوو کاندید دەکەن.”

بڕیارە 10-ی تشرینی یەكەمی داهاتوو هەڵبژاردنی پێشوەختەی پەرلەمانی عێراق بەڕێوەبچێت و 110 حزب و 22 هاوپەیمانی، ڕکابەری بەدەستهێنانی 329 كورسیی پەرلەمانی دەکەن، 24 ملیۆن و 927 هه‌زار و 29 کەسیش مافی دەنگدانیان هەیە.

بابەتی پێشتر

خشته‌ی یارییه‌کانی ئه‌مڕۆ به‌ کاتی هه‌رێمی کوردستان

بابەتی دواتر

خلێفی ستراتیج.. پاریس به‌ شه‌ش هه‌نگاو مباپێ له‌ مه‌درید دوورده‌خاته‌وه‌

بابەتی پەیوەندیدار
زیاتر ببینە

پەرلەمانتارانی كەركوك بۆ یەكلاكردنەوەی بازنەكانی هەڵبژاردنی شارەكە كۆدەبنەوە

بۆ یەكلاكردنەوەی ژمارەی كورسییەكانی بازنەكانی هەڵبژاردن لە كەركوك بڕیارە سبەی پەرلەمانتارانی شارەكە كۆببنەوە، پەرلەمانتارێكی كوردیش دەڵێت، پێشنیارێكیان سەبارەت…
Total
46
Share