پۆلیسی گەرمیان: پیاوێک بەتۆمەتی خنکاندنی هاوسەرەکەی دەستگیرکرا

لە گەڕەکێکی قەزای کەلار ژنێک گیانیلەدەستدا کە شوێنەواری پەت بە ملیەوە بووە و هاوسەرەکەی بەتۆمەتی خنکاندنی دەستگیرکراوە.

لەڕاگەیەندراوێکدا عەلی جەمال قەدوری وتەبێژی بەڕێوەبەرایەتیی پۆلیسی گەرمیان ڕایگەیاند، “شەوی ڕابردوو لە گەڕەکی موەزەفین-ی قەزای کەلار تەرمی ژنێک گەیەندراوەتە نەخۆشخانەی شەهید هەژار، کە بەپەت خنکابوو”.

بەپێی ڕاگەیەندراوی پۆلیس، ژنەكە ناوی (ب. ا. م) و عەرەب بووە، لەدایکبووی 1986ــە.

پۆلیسی گەرمیان لەسەر سکاڵای دایک و باوکی ژنەکە هاوسەرەکەیان دەستگیرکردووە بەتۆمەتی ئەوەی ژنەکەی خنکاندبێت.

تۆمەتبارەکە بەپێی ماددەی 406 لەیاسای سزادانی عێراقی ڕاگیراوە و پەڕاوی لێکۆڵینەوە بۆ دۆسیەکە کراوەتەوە و بەپێی پۆلیسی گەرمیان دادوەر چاوەڕێی ئەنجامی پشکنینەکانی پزیشکی دادوەرییە.

بابەتی پێشتر

کۆمسیۆن کاغەزی لیستەکانی دەنگدانی ئامادەکرد

بابەتی دواتر

بایدن: دانپێدانانی تاڵیبان ڕێگایەکی درێژە

بابەتی پەیوەندیدار
Total
0
Share