لە پەنجشیرەوە هۆشداری دەدرێت.. ڕوبەڕوبوونەوەكان دەبنە جەنگی باندەكان

چەكدارانی هێزەكانی بەرەی بەرگریی نیشتمانی لە پەنجشیر

وتەبێژی هێزەكانی بەرگری لە پەنجشیر دەڵێت، هێزەكانیان تەكنیكی ڕوبەڕوبوونەوەكان دەگۆڕن.

عەلی مەیسم نزاری، وتەبێژ بەناوی هێزەكانی بەرگری لە پەنجشیر وتی، لەئێستادا ئەوان دەكشێنەوە بۆ شاخەكان، لەوێوە درێژە بە ڕوبەڕوبوونەوەكان دەدەن، شەڕەكە دەگۆڕدرێت بۆ جەنگی باندەكان (عصابات) لەگەڵ تاڵیبان.

لەكاتێكی پێشتری ئەمڕۆشدا ئەحمەد مەسعود، سەركردەی بەرەی بەرگریی نیشتمانی ڕایگەیاندبوو، بەرگرییەكان دژ بە تاڵیبان لە پەنجشیر بەردەوامە، داواشی لە سەرجەم ئەفغانییەكان كرد دژ بە تاڵیبان بوەستنەوە.

بەیانی ئەمڕۆ بزوتنەوەی تاڵیبان ڕایگەیاند، ویلایەتی پەنجشیر، كە دەكەوێتە باكووری كابول بەتەواوەتی لەژێر كۆنتڕۆڵی بزوتنەوەكەدایە.

ویلایەتەكە بە مۆڵگەی سەرەكیی هێزەكانی بەرەی بەرگریی نیشتمانی بە سەرۆكایەتی ئەحمەد مەسعود، سەركردەی سەربازی و سیاسی بەڕەچەڵەك تاجیكی و دژ بە تاڵیبان دادەنرێت.

س: نۆڤۆستی

بابەتی پێشتر

هۆکاری بەرزبوونەوەی ڕێژەی توشبوون بە نۆرەی دڵ لەناو گەنجاندا چییە؟ زانایان وەڵامدەدەنەوە

بابەتی دواتر

بافڵ تاڵەبانی یەكگرتنەوەی پێشمەرگە و بەرەنگاربوونەوەی داعشی لەگەڵ شاندێكی ئیتاڵیا تاوتوێكرد

بابەتی پەیوەندیدار
Total
36
Share