ژنێکی گەنجی دانیشتووی گوندی “کەشنە”ی شاری بانە، لەلایەن مێرد و خەزورییەوە بە تەلی کارەبا لێی دەدرێت و دواتریش بە چەکی تاپڕ تەقەی لێدەکرێت.
بەپێی هەواڵی ڕێکخراوەکانی مافی مرۆڤ، “ئەو ژنە ناوی (سۆیبە فیکری)ە و بەهۆی ئەو ئەشکەنجەی زۆرەوە تەندروستی کەوتوەتە مەترسییەوە.
سۆیبە فیکری تەمەن 30 ساڵانە و خەڵکی گوندی “کەشنە”ی سەر بە شاری بانەیە، ناوبراو 10 ساڵ لەمەوپێش هاوسەرگیری کردووە و دایکی سێ منداڵە.
سۆیبە بەهۆی ئەو ئەشکنجەدانەوە ئاسەواری برین بە قاچ و دەست و پشتییەوە بە قوڵی دەرکەوتووە و ئێستا ڕەوانەی نەخۆشخانەکانی شاری تەبرێزکراوە بۆ چارەسەر و بەهۆی سەختی برینەکانییەوە ڕەنگە دەستێکی ببڕنەوە.
