بەڕێوەبەرایەتیی پۆلیسی ڕاپەڕین دەستگیرکردنی دوو تۆمەتباری ڕاگەیاند کە دزییان لە ماڵان و مارکێتەکان کردووە.
لە ڕاگەیەندراوێکدا بەڕێوەبەرایەتیی پۆلیسی ڕاپەڕین ڕایگەیاند، هێزەکانی نەهێشتنی تاوانی پشدەر، دوو تۆمەتباریان دەستگیرکردووە كە لە فرۆشگە و مارکێتەکاندا بوتڵی غاز و موبەڕیدە و کەلوپەلی دیکەیان دزیوە.
بەپێی ڕاگەیەندراوی پۆلیس، دوای دەستگیرکردنیان دوو تۆمەتبارەکە دانیانناوە بە تاوانەکانیاندا و بەپێی ماددەی 446ی یاسای سزادانی عێراقی ڕاگیراون.
