بافڵ تاڵەبانی، هاوسەرۆکی یەکێتیی نیشتمانیی کوردستان ڕایگەیاند، یەکێتی لە هەشتی تەمموزەوە بووەتە یەکێتییەکی دیکە و لەگەڵ ئەوەشدا دوای ئەو ڕێكەوتە دەرفەت زیاترە بۆ کورد یەکڕیز بێت.
بافڵ تاڵەبانی، لە چاوپێکەوتنێکدا کە ئەمڕۆ کاتژمێر 9:00 پەخشدەکرێت ڕایدەگەیەنێت، “لە دوای چاکسازییەکانی هەشتی مانگەوە ئامانجمان ئەوەیە کە باڵانسی هێز لە کوردستان ڕاستبکەینەوە و لەگەڵ ئەوەش گەشبینین بە ئەنجامی هەڵبژاردنەکانی ئەمجارە”.
لەباسی چاکسازییەکانی ناو حزبەکەیدا بافڵ تاڵەبانی ئاماژە بۆ ئەوە دەکات، “گۆڕانکارییەکان بوونەتەهۆی سەقامگیریی ئابوری و ئەمنی لە سلێمانی و پێشتر تەنانەت لەگەڵ کادیرانی یەکێتیدا هەڵسوکەوتی نەشیاو کراوە”.
هەر لەو چاوپێکەوتنەدا بافڵ تاڵەبانی ڕایدەگەیەنێت، بەڵگەی لەلایە کە دەرمانخوارد کراوە و ئەو بابەتەش دەدرێت بە دادگا.
