كەشناسیی هەرێم پێشبینییەكانی كەشوهەوای ئەمڕۆ و سبەینێی ڕاگەیاند و دەڵێت، كەشوهەوای سبەی، كە سەری ساڵە و ئاهەنگەكانی تێدا بەڕێوەدەچن، ساماڵ و پەڵەهەور دەبێت.
بەڕێوەبەرایەتیی گشتیی كەشناسی و بومەلەرزەزانی هەرێمی كوردستان دەڵێت، كەشوهەوای ئەمڕۆی زۆرینەی شارەكان لەنێوان پەڵەهەور و نیمچەهەور دەبێت.
دەربارەی كەشوهەوای سبەینێش، كە سەری ساڵە، پێشبینی دەكات ئاسمان ساماڵ و پەڵەهەور بێت لە سەرجەم شارەكانی هەرێم.
ئەمەش لەكاتێكدایە بەپێی دەستەی كەشناسیی عێراق، هەفتەی داهاتوو شەپۆلێكی بەفر و بارانبارین هەرێمی كوردستان دەگرێتەوە، سەرەتای شەپۆلەكە شەوی شەممە یەكی كانوونی دووەمی 2022 دەبێت و لە گشت ناوچەكانی هەرێمی كوردستان باران دەبارێت.
دەستەكە ڕایگەیاندووە، بەشی دووەمی شەپۆلەكە ڕۆژی دووشەممەی داهاتوو سەرهەڵدەدات و لێزمەباران و تەرزە هەرێمی كوردستان دەگرێتەوە، لە ناوچە شاخاوییەكان و بەشێك لە شار و شارۆچكەكانی هەرێمی كوردستان بەفردەبارێت و ئەگەری دروستبوونی لافاو دێتەئاراوە.
تا ئێستا كەشناسیی هەرێم لەبارەی ئەو شەپۆلەوە هیچ پێشبینییەكی ئاشكرانەكردووە.
پێشبینی كەشوهەوای ئەمڕۆ و سبەی شارەكان:
