یونیسێف: بەمشێوەیە منداڵەكانتان بنێرنەوە بۆ قوتابخانە

ڕێكخراوی یونیسێف كە تایبەتە بە منداڵان و سەر بە نەتەوە یەكگرتووەكانە، چەند ڕێنماییەكی بۆ دایكان و باوكان بڵاوكردووەتەوە بۆ ئەوەی دوای نزیكەی دوو ساڵ لە خوێندنی ئۆنلاین، بتوانن منداڵەكانیان لەسەر چوونەوە قوتابخانە ڕابهێنن.

بەگوێرەی ئەو بابەتەی بڵاوكراوەتەوە، منداڵان لەكاتی كەرەنتینەدا زۆربەی كاتەكانیان لە ماڵەوە و لەگەڵ دایكان و باوكانیاندا بەسەربردوون، بۆیە لەسەر ئەو شێوازەی ژیانكردنی ڕاهاتوون و گەڕانەوەیان بۆ قوتابخانە و خوێندنی ناوپۆل ئاسان نابێت.

ڕێكخراوی منداڵانی سەر بە نەتەوە یەكگرتووەكان دەڵێت، “لەكاتی چوونەوە قوتابخانە، منداڵان دووچاری هەندێك گرفتی دەروونی دەبن، ئەوان ترسیان هەیە لەوەی جارێكی تر بچنەوە ناوپۆلەكانیان و نیگەرانن سەبارەت بە دەستپێكردنەوەی ئەو پرۆسەیە.

یونیسێف ڕێنمایی دایكان و باوكان دەكات بۆ چۆنێتیی مامەڵكردن لەگەڵ منداڵەكانیان لەو قۆناغەدا و دەڵێت، “پێویستە دایكان و باوكان بەهێمنییەوە مامەڵەبكەن و دانبەخۆیاندا بگرن، بۆ ئەوەی منداڵەكانیان هەست بە ئارامی بكەن، پێویستە ڕوونكردنەوەیان پێبدەن و بە كورتی و ڕوونی ئەوەیان تێبگەیەنن كە چوونەوە بۆ قوتابخانە مایەی ترس نییە”.

ڕێكخراوەكە ڕوونكردنەوەی زیاتر لەوبارەیەوە دەخاتەڕوو و ڕایدەگەیەنێت، دەبێت چەند ڕۆژێك بەر لە دەستپێكردنی خوێندنی ناوپۆل، منداڵان لەوە ئاگاداربكرێنەوە و لەكاتی ناردنەوەیاندا پێویستە بە ئەرێنی مامەڵەیان لەگەڵدا بكرێت و دڵنیابكرێنەوە لەوەی كە دەوامی قوتابخانە كاتییە و ئەو واتە منداڵەكە دووبارە دەگەڕێتەوە ماڵەوە.

ئاماژەی بۆ گرنگیی ئەوەش كردووە كە پێویستە منداڵ تێبگەیەندرێت لەوەی مەرجنییە خێرا لەگەڵ هەموو ڕۆتینەكانی قوتابخانەدا خۆی بگونجێنێت، بەڵكو دەكرێت لەسەرخۆ مامەڵە بكات و كاتی خۆش لەگەڵ هاوڕێكانیدا بەسەرببات.

وەك یونیسێف دەڵێت، “پێویستە لە یەكەم ڕۆژی ناردنەوەی منداڵ بۆ قوتابخانە، دایك و باوكی بە گەرموگوڕییەوە بەڕێیبكەن و بەشێوەیەكی ئەرێنی ماڵئاوایی لێبكەن”.

بابەتی پێشتر

لە ڕووداوێکی هاتوچۆدا چوار برا لەسەر ڕێگای دوکان – سلێمانی گیانیان لەدەستدا

بابەتی دواتر

ڕیاڵ مەدرید گڕ بەردەداتە گواستنەوەکانی 2022

بابەتی پەیوەندیدار
Total
9
Share