کاتی بەڕێوەچوونی فێستیڤاڵی فیلمی نێودەوڵه‌تیی سلێمانی دوادەخرێت و دەزگای فێستیڤاڵەکەش دەڵێت، “بەهۆی بەڕێوەچوونی هەڵبژاردنی ئەنجومەنی نوێنەرانی عێراق”ەوەیە.
لە ڕاگەیەندراوێکدا دەزگای فێستیڤاڵی فیلمی نێودەوڵەتیی ڕایگەیاند، ساڵانە لە مانگی تشرینی یەکەمدا فێستیڤاڵی فیلمی نێودەوڵەتیی سلێمانی بەڕێوەدەچێت بەڵام ئەمساڵ کاتی بەڕێوەچوونی بۆ مانگی تشرینی دووەم دوادەکەوێت.
بەپێی ڕاگەیەندراوی دەزگاکە، فێستیڤاڵەکە ئەمساڵ بەهۆی بەڕێوەچوونی هەڵبژاردنەکانی ئەنجومەنی نوێنەرانی عێراقەوە دوادەکەوێت.
بڕیارە فێستیڤاڵی فیلمی نێودەوڵەتیی سلێمانی لە بەرواری 2021/11/11 بۆ 2021/11/17 سازبکرێت.
