کەمتر لە دوو هەفتەی ماوە بۆ هەڵبژاردنەکانی سەرۆکایەتیی ئەمریکا، سەرۆکی پێشووی ئەمریکا هێرشیکردە سەر سەرۆکی ئێستا و بەوە تۆمەتباریکرد تەنانەت ناتوانێت لەبەرامبەر کۆرۆنا خۆی بپارێزێت.
کاردانەوەی ئۆباما بۆ قسەکانی پێشوتری دۆناڵد ترەمپە کاتێک باسی ئۆبامای کردبوو و بەناوی تەواوی خۆی ناوی هێنابوو بەناوی “باراک حسێن ئۆباما”.
بانگکردنی ئۆباما بەناوی حسێن ئۆباماوە کارێکی کرد کە ئۆباما ترەمپ تۆمەتبار بکات بەوەی ئەو کەسێکی “بچوکە و تەنها خەڵکێکی دەوێت لە چواردەوری خۆی”.
دوای قسەکانی ئۆباما ترەمپ جارێکی تر هێرشیکردەوە سەر ئۆباما و سەر سوڕمانی و بێ باوەڕی خۆی نیشاندا لەوەی ئۆباما پشتگیریی بایدن دەکات و وتی “ئایا ئەمە ڕودەدات”.
دۆناڵد ترەمپ بە لایەنگرانی حزبەکەی وت، کە ئەو باوەڕی نییە ئۆباما بە جدی پشتگیریی بایدن بکات و ڕاست ناکات.
دوای ئەم تۆمەتبارکردنەی ئۆباما بە دوو ڕووی لەلایەن ترەمپەوە، بەشێک لە چاودێران پێیان وایە کە ترەمپ دەیەوێت ناکۆکیش بخاتە نێوان بایدن و ترەمپ و سود لەو درزە وەربگرێت.
