لوتکەی بەغداد سبەی بەڕێوەدەچێت.. وەک دەرگایەک بۆ گەشەی عێراق سەیردەکرێت

لوتکەی بەغداد بۆ وڵاتانی دراوسێی عێراق سبەینێ شەممە دەستپێدەکات، کۆنگرەکە ڕۆڵی عێراق لە ناوچەکە دەردەخات شارەزایان گرنگییەکەی بۆ گەشەپێدانی پەیوەندیی ئابوری و بازرگانی و کردنەوەی دەرگاکانی هاوکاری بۆ عێراق دەگێڕنەوە.

فەلاح خەفاجی لە لیژنەی دارایی پەرلەمانی عێراق سەبارەت بە لوتکەی بەغداد بە ئاژانسی هەواڵی فەرمیی عێراقی ڕاگەیاندووە، “لوتکەی عێراق بۆ هاوکاری و هاوبەشی هەنگاوێکی نوێیە بۆ پەیوەندیی عێراق لەگەڵ وڵاتانی دەوروبەری و وڵاتانی جیهان”.

دەڵێت، “ئێمە هیوای زۆرمان بەم کۆنگرەیە هەیە لە بوارەکانی ئابوری، ئاسایش، ڕێککەوتن و پێکەوە کارکردن لەگەڵ وڵاتانی دراوسێ و جیهان”.

وتیشی، دەکرێت ئەمە دەرگایەک بێت بۆ ڕێککەوتنی بازرگانی نوێ و فراوانکردنی بازرگانیی عێراق لەگەڵ هەموو وڵاتان و ڕێڕەوێکی پارێزراو بێت بۆ دروستکردنی پەیوەندییە بازرگانییەکان لەگەڵ وڵاتانی جیهان و بەتایبەت ئەو وڵاتانەی بەشداریی لوتکەکە دەکەن.

خەفاجی ئاماژەی بەوەکرد، ئەم لوتکەیە دەکرێت ئەنجامی باشی ئابوری و وەبەرهێنانی بۆ عێراق هەبێت و کەرتی تایبەتیش ڕۆڵی گرنگی هەبێت لەو بوارانەدا.

هەروەها هەنگاوێک دەبێت بۆ دابینکردن و پەرەپێدانی کارەبای عێراق کە یەکێک لەو کێشانەی دەکرێت بە هاوکاری و هەماهەنگیی وڵاتانی دراوسێ چارەسەر بکرێت.

بابەتی پێشتر

سەدر پاشگەزبووەوە و بڕیاریدا بەشداریی هەڵبژاردنەکان بکات

بابەتی دواتر

واشنتن پۆست: ئەمریکا ئامادەکاری بۆ هێرشی زیاتری داعش لە کابول دەکات

بابەتی پەیوەندیدار
Total
10
Share