لە گوندێكی سەر بە كۆمەڵگەی سێبیلانی هەولێر دەستڕێژی گوللـە لە دوو برا كراوە و كوژراون.
پەیامنێرمان لە هەولێر پێیڕاگەیاندین، “دوو برا لە نزیک گوندی قەڵاچۆغانی سەر بە كۆمەڵگەی سێبیلانی شاری هەولێر دەستڕێژی گوللـەیان لێکراوە و کوژراون”.
وتیشی، “ئەو دوو برایە کارمەندی فڕۆکەخانە بوون و لە دەوام گەڕاونەتەوە، كاتێك كە دەستڕێژی گوللـەیان لێكراوە ئۆتۆمبێلەکەشیان سوتاوە”.
هەر بەپێی زانیارییەكانی پەیامنێرمان، “تەمەنی دوو برا كوژراوەكە لەنێوان 35-40 ساڵدا بوون و لەسەر کێشەی کۆمەڵایەتی دەستڕێژی گوللـەیان لێكراوە”.
دوای ڕووداوەکە ھێزە ئەمنییەکەن گەیشتوونەتە شوێنەكە و دەستیان بە لێکۆڵینەوە کردووە.
