وەزارەتی خوێندنی باڵای هەرێم ئەپڵیكەیشنێكی خستووەتە كار بۆ خزمەتكردنی هاوڵاتییان و مامۆستایان و فەرمانبەران و خوێندكاران كە دەتوانن لە ڕێگەی مۆبایلەكانیانەوە بەدواداچوون بۆ مامەڵەكانیان بكەن.
بەپێی ڕاگەیەندراوێكی وەزارەتی خوێندنی باڵای هەرێم كە وێنەیەكی دەست تۆڕی میدیایی ئێستا كەوتووە و تێیدا هاتووە، لە ئێستادا ئەپڵیكەیشنی MHE KRG بەردەستە بۆ سیستمەكانی Android و iOS كە خزمەتگوزاریی Document Tracking دەخاتە خزمەتی هاوڵاتییان و مامۆستایان و فەرمانبەران و خوێندكاران.
ئاماژە بەوەشكراوە، “ئەگەر هەر نووسراوێكت هەیە لە زانكۆی A ئاڕاستەی وەزارەتی خوێندنی باڵا و توێژینەوەی زانستی یان هەر فەرمانگەیەكی سەر بە وەزارەت كرابێت، دەتوانیت لەڕێگەی داخڵكردنی ژمارەی نووسراوەكە و ڕێككەوتی نووسراوەكە ڕۆژانە لەڕێگەی مۆبایلەكەوە بەدواداچوونی بۆ دەكرێـ كە هەنگاو بەهەنگاو زانیارییت دەست دەكەوێت كە نووسراوەكەت بە كوێ گەیشتووە.
