وەزیری خوێندنی باڵا و توێژینەوەی زانستیی عێراق ڕایدەگەیەنێت، خوێندن لەناو زانكۆ و پەیمانگەكان دەستپێدەكاتەوە.
لە كۆنگرەیەكی ڕۆژنامەوانیدا، نەبیل كازم وەزیری خوێندنی باڵای عێراق ڕایگەیاند، دەوامی ئەمساڵی زانكۆ و پەیمانگەكان لەناو زانكۆ و پەیمانگە دەبێت و شێوازەكانی دیكەی وەكو ئۆنڵاین پەیڕەو ناكەین”.
داواشی لە مامۆستایان و خوێندكاران كرد، كە خۆیان ڤاكسین بكەن.
وەزیری خوێندنی باڵای عێراق جەختی لەوەشكردەوە، بنكەی خۆڤاكسینكردن لە زانكۆ و پەیمانگەكان دەكەنەوە.
لە دوو ساڵی ڕابردوودا بەهۆی بڵاوبوونەوەی كۆرۆناوە، خوێندنی زانكۆ و پەیمانگەكان بەشێوەی ئۆن لاین بەڕێوەدەچوو، دوای ئەو ماوەیەش وەزارەتەكە دەیەوێت جارێكی دیكە خوێندن لەناو زانكۆ و پەیمانگەكان دەستپێبكاتەوە.
