ژمارەی قوربانیانی بۆردومانەكەی فڕۆکە جەنگییەکانی تورکیا بۆسەر نەخوشخانەی سکێنێ لە شەنگال گەیشتە شەش كوژراو و حەوت بریندار.
دوانیوەڕۆی ئەمڕۆ فڕۆكەكانی توركیا سێ جار بۆردومانی دەڤەری سكێنێ-یان لە شەنگال كردووە.
پەیامنێرمان لە ناوچەكە پێیڕاگەیاندین، دوانیوەڕۆی ئەمڕۆ لە دەوروبەری كاتژمێر 2:30، فڕۆكەكانی توركیا زیاتر لە سێ جار دەڤەری سكێنێ-یان لە قەزای شەنگال بۆردومان كردووە.
بەپێی ئەو زانیارییانەی لە قەزاكەوە بە پەیامنێرمان دراوە، “بەهۆی بۆردومانی فڕۆكەكانی توركیا بۆسەر نەخۆشخانەكە شەش كەس كوژراون كە سێیان ئیزیدی بوون و سێیەكەی دیكەشیان عەرەبوون، هەروەها حەوت كەسیش برینداربوون”.
دوێنێش فڕۆكەی بێفڕۆكەوانی توركیا لە ناوەندی قەزای شەنگال سەركردەیەكی یەبەشە-یان كردە ئامانج و شەهیدیان كرد.
