دەستەی کەشناسیی عێراق بڵاویکردەوە، لە سبەینێوە شەپۆلێکی نوێی بارانبارین روو لە ناوچەکە دەکات و پلەی گەرمی دادەبەزێت.
دەستەی کەشناسی و بومەلەرزەزانیی عێراق لە راگەیەندراوێکدا بڵاویکردەوە، “لەکاتەکانی ئێوارەی ئەمڕۆوە لەناوچەکانی رۆژئاوای عێراق ئاسمان بۆ هەوری تەواو دەگۆڕێت، بۆ سبەینێ سێشەممە لەکاتەکانی ئێوارە و شەودا بارانبارین ناوچەکانی پارێزگای ئەنبار و دەوروبەری دەگرێتەوە و بۆ رۆژی چوارشەممە دەگاتە زۆرینەی ناوچەکە.
ئاشکراشیکرد، پێشبینیدەکرێت، لە بەشێک لە ناوچەکان بارانبارین بە شێوەی نمەباران بێت، لەبەشێکی دیکەیاندا هەورە بروسکەی لەگەڵدابێت.
