ویلایەتە كۆنترۆڵكراوەكان بوونە 21.. تاڵیبان 11 كیلۆمەتر لە كابولەوە دوورە

تاڵیبان هێرشێكی چڕی بەرەو شاری مەزار شەریف بەرپاكردووە

بزوتنەوەی تاڵیبان بەردەوامە لە پێشڕەوییە سەربازییەكانی و لەكۆی 34 ویلایەت 21 ویلایەتی كۆنترۆڵكردووە.

بەگوێرەی سەرچاوەكان، ئەمڕۆ شەممە، تاڵیبان چەند ناوچەیەكی تری ئەفغانستان-ی كۆنترۆڵكردووە و زەبیحوڵڵا موجاهید، وتەبێژی بزوتنەوەكە لە تویتەر ئاشكرایكرد، شاری شرنە-ی ناوەندی ویلایەتی بەكتیكا-یان لە خۆرهەڵاتی ئەفغانستان كۆنترۆڵكردووە.

سەرچاوەكان جەختدەكەنەوە، چەكدارانی تاڵیبان شاری ئەسەد ئابادی ناوەندی ویلایەتی كونەر-یان كۆنترۆڵكردووە و بەوەش ژمارەی ئەو ویلایەتانەی تا ئێستا كەوتوونەتە ژێر دەسەڵاتی تاڵیبانەوە، 21 ویلایەتن، لەكۆی 34 ویلایەت.

تاڵیبان باس لەوە دەكات، هێرشێكی چڕی بەرپاكردووە بەرەو شاری مەزار شەریف و دەیەوێت كۆنترۆڵی بكات و چەكدارەكانی تا كابول ناوەستن.

بەپێی زانیارییە ڕۆژنامەوانییەكان، چەكدارانی تاڵیبان تەواوی ویلایەتی لوكەر-یان كۆنترۆڵكردووە، كە دەكەوێتە ناوەڕاستی ئەفغانستان و تەنها 11 كیلۆمەتر لە كابول-ی پایتەختەوە دوورە.

بابەتی پێشتر

موچەی مێركڵ دوای خانەنشین بوون چەند دەبێت؟

بابەتی دواتر

ئەو خۆراكانە بزانە كە زیان و سوودیان بۆ چالاکییەکانی مێشك هەیە

بابەتی پەیوەندیدار
Total
0
Share