پۆلیسی سلێمانی بڵاویكردەوە، پلانی ئەمنی ڕۆژانی جەژن بەسەرکەوتوویی جێبەجێکرا و ھیچ ڕووداوێکی نەخوازراو تۆمارنەکرا.
لە ڕاگەیەندراوێكدا بەڕێوەبەرایەتیی پۆلیسی سلێمانی ئاماژەی بەوەكردووە، “پاڵپشت بەو پلانە ئەمنییەی بۆ ڕۆژانی جەژنی ڕەمەزان داڕێژرابوو، ھیچ ڕووداوێکی نەخوازراو لەڕۆژانی جەژندا لەشاری سلێمانی تۆمارنەکراو پلانەکە بەسەرکەوتویی جێبەجێکرا”.
باسی لەوەشكردووە، سەرباری ھاتنی ژمارەیەکی زۆری گەشتیار بۆ سنووری پارێزگای سلێمانی كە 30 ھەزار گەشتیاربوون لە ڕۆژانی جەژندا، بەڵام ئەو پلانە ئەمنییەی بۆ ڕۆژانی جەژن داڕێژرابوو، بەسەرکەوتوویی جێبەجێکراو بەھاوکاری ھێزەئەمنییەکانی دیکە، ھیچ ڕووداوێکی نەخوازراویش لە سلێمانی تۆمارنەکرا.
