هاوسەرۆكی یەكێتی ڕایدەگەیەنێت، ئامانجی حزبەكەی یەكڕیزیی كورد و كۆدەنگییە لە پرسە نیشتمانییەكاندا.
بافڵ تاڵەبانی، هاوسەرۆکی یەکێتیی نیشتمانیی کوردستان ڕایگەیاند، ئامانجی یەکێتی یەكڕیزیی كورد و كۆدەنگییە لەسەر پرسە نیشتمانییەكان لەپێناو بەدەستهێنانی مافە دەستورییەكانمان لە بەغداد.
هاوكات دەستەبەرکردنی ژیانێكی شایستە بۆ خەڵکی کوردستان و بەرقەرابوونی ئارامی و ئاسایشە لە ناوچەکە، بە بەشێكی دیكەی ئامانجەكانی یەكێتی ناوبرد.
ئەو وتانەی بافڵ تاڵەبانی ئەمڕۆ لە بارەگای مەکتەبی سیاسی یەکێتی لە سلێمانی لەمیانەی پێشوازیكردنیدا بوو لە سەرۆک و سکرتێری هەریەک لە حزبەکانی (پارتی سەوزی كوردستان، بزوتنەوەی ئاشتیخوازانی كوردستان، بزوتنەوەی چاكسازی نیشتیمانی، پارتی نەتەوەیی كوردستان، حزبی پێشكەوتنخوازانی دیموكراتی كوردستان و بزوتنەوەی ڕزگاریی دیموكراتی كوردستان).
