فڕۆكەیەك لە ئەمریكا كەوت بەسەر خانوویەكدا و بەهۆیەوە چەند كەسێك مردن و برینداربوون.
لە شاری ڤیكتۆریا لە ویلایەتی كالیفۆرنیای ئەمریكا، فڕۆكەیەكی بچووك كەوت بەسەر خانوویەكدا و دوای ڕووخاندنی بەشێكی زۆری خانووەكە، فڕۆكەكە كەوتەخوارەوە و لەسەر شەقامی گەڕەكەكە جێگیربوو.
بەگوێرەی سەرچاوەكان، چەند كەسێك كە لەناو ماڵەكەدا بوون، گیانیان لەدەستداون و برینداربوون، بەڵام هێشتا ئامارێكی وردی قوربانییەكانی ڕووداوەكە بڵاونەكراوەتەوە.
دوای بڵاوبوونەوەی هەواڵەكە، ئەنجومەنی نیشتمانی بۆ سەلامەتیی هاتوچۆ لە ئەمریكا، لێكۆڵینەوەی لە ڕووداوەكە دەستپێكرد.
