بەرزان قادر خەڵوز: لە پەیجە ساختەكانەوە بەناوی منەوە قسەدەكرێت و من بێبەرییم لێی

هونەرمەند بەرزان قادر خەڵوز ڕەتیدەكاتەوە قسەی لەسەر گۆڕانکارییەکانی ناو یەکێتی کردبێت و دەڵێت، “ئەوەی کە ڕوویداوە بابەتێکە لەوە گەورەترە کە من بتوانم قسەی لەسەر بکەم و بێبەرییم لەو قسانە”.

لە ڕوونکردنەوەیەکدا بەرزان قادر خەڵوز ئاماژەی بۆ ئەوە كردووە، “ئێستا و لە ڕابردووشدا لە پەیجە سێبەرەکانەوە کە نازانرێت خاوەنەکانیان کێن، قسە بەناوی منەوە بڵاوکراوەتەوە کە گوایە قسەم لەسەر یەکێتی و گۆڕانکارییەکان کردووە، ئەوەی کە ڕوویداوە بابەتێکی زۆر گەورەیە و لەوە گەورەترە کە من بتوانم قسەی لەسەر بکەم، هی ئەوە نییە من لایەنگری بکەم، من یەکێتیم و ئەندامێکی مەڵبەندم و دەوامی خۆم دەکەم”.

باسی لەوەشكردووە،”تێناگەم بۆچی وێنەی من بڵاودەکرێتەوە و قسە بەناوی منەوە دەکرێت، ئەی بۆچی وێنە و قسەی خاوەنی پەیجەکان بڵاوناکەنەوە کە قسەی ئەوانە، بەناوی خەڵکەوە بۆ قسەدەکەن؟”.

ئەو هونەرمەندە لە درێژەی ڕوونكردنەوەكەیدا دەڵێت، “لەپڕ لە پەیجە ساختەکانەوە کەسێک دەمرێنن، یان قسە بەناوییەوە دەکەن، ناکرێت دانیشم دانە بە دانە ڕوونکردنەوە لەسەر هەر پۆستێک بدەم کە بەناوی منەوە دەکرێتەوە، من بێبەرییم لە هەڵبەستنی ئەو قسانە و ناشمەوێت چیتر وەڵامی ئەو پەیجە ساختانە بدەمەوە”.

بابەتی پێشتر

ئاسایشی هەولێر لەبارەی تیرۆرکردنی ئەندامێکی حدک ڕوونکردنەوە دەدات

بابەتی دواتر

عێراق پاسپۆرت دەدات بەو هاونیشتمانییانەی لە بیلاڕوسیا بەگیرهاتوون

بابەتی پەیوەندیدار
Total
1
Share