چێوەی هەماهەنگی دوای كۆبوونەوەیەكی “درێژ و گرنگ” دەڵێت، سبەی بودجە پەسەنددەكرێت.
ئێوارەی ئەمڕۆ لایەنەكانی چێوەی هەماهەنگی كۆبوونەوەیەكیان تایبەت بە پرۆژەیاسای بودجە ئەنجامدا.
عەباس عامری، ئەمینداری گشتیی چێوە لە راگەیەندراوێكدا كۆبوونەوەكەی بە “گرنگ و درێژ” ناوبرد.
وتیشی، “سبەی گرنگترین بودجەی پڕۆژەكان لە عیراق پەسەنددەكرێت، كە هاوڵاتییان لە پرۆژە و خزمەتگوزارییەكاندا هەستی پێدەكەن”.
پێشتر سەرۆكایەتیی ئەنحومەنی نوێنەران بەرنامەی كاری دانیشتنی رۆژی پێنجشەممەی بڵاوكردەوە كە تایبەت دەبێت بە دەنگدان لەسەر پرۆژەیاسای بودجەی گشتیی عێراق بۆ ساڵانی 2023، 2024 و 2025.
