ئەو بڕە پارەیەی تەرخانکرابوو بۆ ئاودانی سەوزاییەکانی سلێمانی ڕەوانەکرا

سەرۆکایەتیی شارەوانیی سلێمانی گەیشتنی ئەو چوار ملیار دینارەی ڕاگەیاند کە پێشتر لەلایەن حکومەتی هەرێمی کوردستان-‌‌ـەوە بۆ ئاودانی بەشێک لە پارک و سەوزاییەکانی سلێمانی تەرخانکرابوو.

لە لێدوانێکدا بۆ تۆڕی میدیایی ئێستا‌ زەردەشت ڕەفیق وتەبێژی سەرۆکایەتیی شارەوانیی سلێمانی وتی، هەرچەندە ناردنی پارەکە دواکەوتووە چونکە بەشێک لە دار و چیمەنەکان وشکبوون بەهۆی گەرمای زۆری مانگی تەمموزەوە، چونکە ئاودانی ئەو سەوزاییانە دەبوو لە مانگی حوزەیراندا بووایە.

بڕی ئەو پارەیەی بۆ ئەو مەبەستە لەلایەن حکومەتی هەرێمی کوردستان-ـەوە تەرخانکرابوو چوار ملیار و 527 ملیۆن دینارە و لە مانگی حوزەیراندا بڕیاری لێدراوە.

پارەکە بۆ ئاودانی پارکی هەواری شار و بلوارەکانی بازنەی مەلیک مەحمود و ڕێگای تاسڵوجە – سلێمانی  تەرخانکراوە.

بەپێی وتەی زەردەشت رەفیق، پرۆسەی تەندەرین بۆ ئاودانی ئەو شوێنانە ئەنجامدراوە و دراوە بە سێ کۆمپانیا، تەنها پارکی هەواری شار دووبارە تەندەرینی بۆ دەکرێتەوە لەبەرئەوەی تائێستا یەک کۆمپانیا داواکاری پێشکەشکردووە.

بابەتی پێشتر

تەندروستیی هەرێم توشبوونی كەسی ڤاكسینكراو بە ئاسایی دەزانێت.. حاڵەتێکی جیهانییە

بابەتی دواتر

پێوەری زیرەک کێشە دەخاتە نێوان کارەبای سلێمانی و گوندێکەوە

بابەتی پەیوەندیدار
زیاتر ببینە

وێنە.. بەشێک لە هاوڵاتییان بە ئاماژە دژی “شکاندنی پەنجەی” زیندانیکراوێکی بادینان ‏وەستانەوە

کەسوکاری زیندانیکراوانی بادینان هەڵمەتێکیان ڕاگەیاندووە، وێنەی خۆیان بە ئاماژەی ‏بەرزکردنەوەی دوو پەنجەی سەركەوتن بڵاودەکەنەوە و دژی “شکاندنی پەنجەی…
زیاتر ببینە

بەرزبوونەوەی توشبوون بە شێرپەنجە لیژنەی تەندروستیی پەرلەمانی هێنایە قسە

لە دانیشتنی ئەمڕۆی پەرلەمانی كوردستاندا، لەبارەی زۆربوونی توشبوون بە شێرپەنجە، ڕاپۆرتێك لەلایەن لیژنەی تەندروستییەوە خوێندرایەوە، ئاشكراكراوە، مانگانە سەدان…