بەڕێوەبەری گشتیی کۆمپانیای چین بۆ زانست و تەکنەلۆجیای گەردوونی CASC، یوان ژی، ئەمڕۆ شەممە، ڕایگەیاند کە پرۆژەی Miin دەبێتە دەستکەوتی داهاتووی چین لە بواری توێژینەوەی فەزایی و گەردوونیدا.
بەپێی وتەی بەڕێوەبەری گشتیی کۆمپانیاکە بڕیار دراوە چەندان فڕۆکەی بارگیر بە تەلەسکۆپ و ئامێری تیشکی ژێرسوور (ئینفرارێد) و چەندان ئامێری دیکە بۆ چاودێریکردنی بۆشایی دەرەوەی ئاسمان ڕەوانە بکرێن، ئاماژەی بەوەش کرد کە زاناکان لە توێژینەوەکانیاندا تیشک دەخەنە سەر ئەو هەسارانەی کە ئاو و پلەی گەرمی و ساردیی گونجاویان هەیە، ئەمە وێڕای دڵنیابوونەوە لەوەی کە مرۆڤ و ئاژەڵ و ڕووەک و مێرووەکان بتوانن لەو هەسارانەدا زیندوو بمێننەوە و بژین.
سەرۆکی کۆمپانیای CASC ئەوەشی بەبیر هێنایەوە کە ساڵی داهاتوو چین دەستەیەک دەنێرێتە بۆشایی ئاسمان تاوەکو توێژینەوە لەسەر هەسارەی مەریخ بکەن و لە ١٠ ساڵی داهاتوو دەیەوێت ببێت بە پێشکەوتووترین هێزی فەزایی.
کۆمپانیای CASC پلانیشی داناوە لە ساڵی ٢٠٤٥ یەکەمین بنکەی خۆی لەسەر ڕووی مانگ تەواو بکات و دایبمەزرێنێت.
