ئیدارەی ئەمریكا دەڵێت، “ڕەفتاری دوژمنكارانەی ئێران مەترسیدارە بۆ هەموو جیهان”.
جین ساكی، وتەبێژی كۆشكی سپی، نیگەرانیی وڵاتەكەی سەبارەت بە ئازادیی هاتوچۆی دەریایی لە ئاوە هەرێمییەكاندا دەربڕی و ڕایگەیاند، “ڕەفتاری دوژمنكارانەی ئێران، مەترسیدارە بۆ سەرتاسەری جیهان”.
وتەبێژی كۆشكی سپی لە كۆنگرەیەكی ڕۆژنامەوانیدا ئەمڕۆ هەینی 6ی ئاب لە واشنتن باسی لە ئێران و ڕێككەوتننامەی ئەتۆمی كرد و وتی، “ئەمریكا پێیوایە بەرژەوەندییەكانی وادەخوازن بە ڕێگای دیپلۆماتی هەوڵی چارەسەركردنی قەیرانەكانی ناوچەكە بدات”.
لێدوانەكەی وتەبێژی كۆشكی سپی دوای ئەوە دێت كە هەفتەی ڕابردوو دوو كەشتی ئیسرائیلی و ئەمریكا كرانە ئامانج و هەردوو وڵاتەكە ئێران بە بەرپرسیار دەزانن.
