لەگەڵ ئەوەی بڕیاربوو ئۆتۆمبێلێكی سلێمان هەڵشۆیی بەئاشكرا بفرۆشرێت، بەڵام دوور لەچاوی كامێراكان ئۆتۆمبێلەكە فرۆشرا.
وەك بڕیاربوو ئەمڕۆ لە ڕاپەڕین، لایەنی پەیوەندیدار ئۆتۆمبێلێكی سلێمان هەڵشۆیی فرۆشت.
پەیامنێرمان پێییڕاگەیاندین، پێش دەستپێكردنی پرۆسەی فرۆشتنەكە بە میدیاكان ڕاگەیەندرا، كە پرۆسەی فرۆشتنەكە بۆكاتێكی دیكە دواخراوە، بەڵام دوای دووركەوتنەوەی میدیاكان وتەبێژی پۆلیسی ڕاپەڕین پێیڕاگەیاندوون، ئۆتۆمبێلەكە هەر ئەمڕۆ فرۆشراوە بە نرخی 124 هەزار و 600 دۆلاركە دەكاتە ( 12 دەفتەر و 46 گەڵا).
پۆلیسی ڕاپەڕین، هیچ ڕوونكردنەوەیەكی لەبارەی هۆكاری دورخستنەوەی میدیاكان نەخستەڕوو.
پێشتر پۆلیسی ڕاپەڕین ڕایگەیاندبوو، ئەمڕۆ پێنجشەممە کاتژمێر 12:00ی نیوەڕۆ، لە بارەگای نوسینگەی نەهێشتنی تاوانی پشدەر، ئۆتۆمبێلێک دەفرۆشرێت، کە “خاوەندارێتییەکەی دەگەڕێتەوە بۆ تۆمەتباری ڕاگیراو، سلێمان هەڵشۆیی و لەجۆری (لێکزس/کۆڕۆ)یە و ژمارەی کاتییە و مۆدێلی 2021ـە، ڕەنگی ڕەشە”.
