بڕیارە ئەمڕۆ ئیبراھیم رەئیسی، سەرۆک کۆماری هەڵبژێردراوی ئێران لە پەرلەمانی وڵاتەكەی سوێندی یاسایی بخوات، سەرۆكی ھەرێمی کوردستان و سەرۆكی پەرلەمانی کوردستانیش بەشدار ڕێوڕەسمەکە دەبن.
لە دوو ڕۆژی ڕابردوو ڕێوڕەسمی دەستاودەستكردنی دەسەڵات لە نێوان ڕوحانی و ڕەئیسی لەبەردەم عەلی خامنەئی ڕێبەری باڵای كۆماری ئیسلامی ئێران كرا، بڕیارە ئەمڕۆ پێنجشەممەش لە ڕێوڕەسمێكدا ئیبراھیم رەئیسی وەک سەرۆك كۆماری ئێران سوێندی یاسایی بخوات.
لە ڕێوڕەسمەكەدا سەرۆكی هەرێم و سەرۆكی پەرلەمان و سەركردەی بەشێكی دیكە لە وڵاتان بەشداریی دەكەن.
بەپێی هەواڵی میدیاكانی ئێرانیش بەھۆی ئەو ڕێوڕەسمەوە ئەمڕۆ لە تاران پشووی فەرمی ڕاگەیاندراوە و لەكاتی ڕێوڕەسمەكەشدا گەشتەكان بەسەر ئاسمانی تاران دەوەستێندرێن.
