بەڕێوەبەرایەتیی نەهێشتنی ماددە هۆشبەرەکانی هەولێر دەستیگرت بەسەر نزیکەی 42 هەزار شیت حەپ و دەرزیی هۆبەردا و پێنج تۆمەتباریش بەوهۆیەوە دەستگیرکراون.
بەڕێوەبەرایەتیی نەهێشتنی ماددە هۆشبەرەکانی هەولێر ڕایگەیاند، “لەدوای بەدواداچوون و زانیاریی ورد لە ڕێکەوتی 31ی تەمموزی 2021 لەناو شاری هەولێر دەستگیرا بەسەر 26.032 هەزار شیت حەپی جۆراوجۆر و 7.190 هەزار دەرزیی جۆراوجۆردا، کە بەشێکیان هۆشبەربوون.”
بەڕێوەبەرایەتیی نەهێشتنی ماددە هۆشبەرەکان ئاماژەی بە دەستگیرکردنی پێنج تۆمەتبار کردووە، بەناوەکانی (ر.ح.م)، (د. م. ج)، (ر. ع. ج)، (د. م. ر) و (ع. م. ح) بوون.
ئاماژە بەوەشکراوە، ئەو حەپ و دەرزییانە بەشێوەی قاچاخ دەهێنرانە ناو شاری هەولێر و بەنیازبوون بڵاویبکەنەوە.
هەروەها لە ڕێکەوتی 2ی ئابی 2021 لەشارۆچکەی خەلیفان دەستگیرا بەسەر 9,384 هەزار قوتو حەپی هۆشبەر و قاچاخدا، هەروەها تۆمەتبارێکیش دەستگیرکراوە بەناوی (ص. س. ع) کە کاری فرۆشتنی حەپی هۆشبەری کردووە.
تۆمەتبارەکان بەپێی ماددەی 25ی یاسای هۆشبەر ڕەوانەی دادگا کراوە و پەڕاوی لێکۆڵینەوەیان بۆکراوەتەوە.
