ئاژانسی پاراستن و زانیاری / زانیاری ڕایدەگەیەنێت، هیچ ئه‌فسه‌ر و كارمه‌ند، یان گروپێكی سه‌ر به به‌ڕێوه‌به‌رایه‌تی گشتیی دژه تیرۆری ئاژانسه‌كه‌مان جووڵه‌یان نه‌كردووه و ئەو دەنگۆیانەشی بڵاوكراونەتەوە دوورن لە ڕاستییەوە.
لە ڕوونكردنەوەیەكدا، ئاژانسی پاراستن و زانیاری / زانیاری ئاماژەی بەوەكردووە، “له هه‌ندێك ماڵپه‌ڕ و په‌یجی نه‌ناسراو، وێنه و هه‌واڵی ئه‌وه بڵاوكراوه‌ته‌وه گوایه به‌شێك له هێزه‌كانی دژه تیرۆر جووڵه‌یان كردبێت یان ده‌سوه‌ردان بكه‌ن له كاروباری ناوخۆی (ی.ن.ك)”.
باسی لەوەشكردووە، “به‌م ڕوونكردنه‌وه‌یه به ڕایگشتی كوردستانی ڕاده‌گه‌یه‌نین كه هیچ ئه‌فسه‌ر و كارمه‌ند، تیم یان گروپێكی سه‌ر به به‌ڕێوه‌به‌رایه‌تی گشتیی دژه تیرۆری ئاژانسه‌كه‌مان جووڵه‌یان نه‌كردووه و له شوێنی دیاریكراوی خۆیان له ئه‌رك و فه‌رماندان”.
