خێزانێکی کوردی حەوت کەسی لە شاری کۆنیای تورکیا لەلایەن چەند توركێکەوە هێرشیانکراوەتەسەر و سەرجەم ئەندامانی خێزانەکە کۆمەڵکوژ کراون.
میدیاکانی تورکیا بڵاویانکردەوە، خێزانە کوردەکە لە حەوت کەس پێکهاتوون و سەرجەمیان لەو هێرشەدا کوژراون، ڕووداوەکە لە شارۆچکەی مەرامی سەر بە شاری کۆنیای تورکیا ڕوویداوە و خانووی ئەو خێزانە کوردەش سوتێنراوە.
بەپێی سەرچاوەکان، سەرجەم ئەندامانی خێزانەکە بە چەک کوژراون.
پێشتر لە بەرواری 13ی ئایاری ڕابردوو خێزانێکی کوردی خەڵکی شاری هەولێر لە شاری مێرسینی تورکیا لەلایەن ژمارەیەک تورکەوە هێرشیان کرایەسەر و باوک و کوڕێکی 12 ساڵی خێزانەکە بریندارکران.
