مالیكی: بایكۆتكەران نابێت بۆچوونی خۆیان بسەپێنن

سەرۆکی هاوپەیمانیی دەوڵەتی یاسا ڕایدەگەیەنێت، هەڵبژاردنی پێشوەختەی پەرلەمان لە 10ی ئۆكتۆبەری ئەمساڵ و وادەی دیاریکراوی خۆیدا بەڕێوەدەچێت و ئەوانیش بەشداریی تێدادەكەن، دەشڵێت، نابێت ئەو هێزانەی كشاونەتەوە بۆچوونی خۆیان بسەپێنن.

نوری مالیکی، سەرۆکی هاوپەیمانیی دەوڵەتی یاسا، لە تویتێكدا كە لەهەژماری خۆی لە تویتەر بڵاویكردووەتەوە، نوسیویەتی، “هەڵبژاردن لە 10ی ئۆكتۆبەری ئەمساڵ لە وادەی دیاریکراوی خۆیدا ئەنجام دەدرێت، ئەو هێزانەش کە بڕیاریانداوە بەشداری نەکەن، ڕێز لە بڕیارەکەیان دەگرین و هەڵوێستی خۆیانە”.

مالیكی پێشوایە، “ئەو لایەنانەی دەیانەوێت هەڵبژاردن لە وادەی خۆیدا بەڕێوەنەچێت، نابێت بۆچوونی خۆیان بەسەر زۆرینەی لایەنەکاندا بسەپێنن”.

سەرۆكی هاوپەیمانیی دەوڵەتی یاسا باسی لەوەشكردووە، “هەڵبژاردنی پێشوەختە خواستی مەرجەعیەت و خەڵکە، بۆیە پێویستە لەسەر حکومەت بارودۆخی ئەمنیی گونجاو بۆ سەرخستنی بڕەخسێنێت”.

بڕیارە لە 10ی ئۆكتۆبەری ئەمساڵ هەڵبژاردنی پێشوەختەی عێراق ئەنجام بدرێت و لە ماوەی چەند ڕۆژی ڕابردووشدا چوار لایەن بایكۆتی هەڵبژاردنەكەیان كردووە.

بابەتی پێشتر

هەپەگە: پارتی چەند گەریلایەكی شەهید كردین

بابەتی دواتر

پارێزەرانی بەرواری و بەرۆشكی: هیچ بەڵگەیەكی تاوانباركردنیان نییە

بابەتی پەیوەندیدار
Total
3
Share