بڕیارە پێشنیوەڕۆی ئەمڕۆ یەكێتی و گۆڕان لەسەر ئاستی باڵا لە سلێمانی كۆببنەوە.
بەپێی زانیارییەكانی تۆڕی میدیایی ئێستا، كاتژمێر 10:30ی پێشنیوەڕۆی ئەمڕۆ پێنجشەممە، لە بارەگای مەكتەبی سیاسیی یەكێتی، كۆبوونەوەیەكی باڵای نێوان یەكێتیی نیشتمانیی كوردستان و بزوتنەوەی گۆڕان بەرێوەدەچێت، ئەگەر زۆرە پرسی یەكلاییكردنەوەی پۆستی سەرۆكی هاوپەیمانیی كوردستان بۆ هەڵبژاردنەكانی عێراق تاوتوێ بكەن.
بۆ هەڵبژاردنی پێشوەختەی پەرلەمانی عێراق، یەكێتی و گۆڕان هاوپەیمانیی كوردستانیان پێكهێناوە و پێكەوە بەشداریی هەڵبژاردن دەكەن، پێشتر لاهور شێخ جەنگی سەرۆكی هاوپەیمانییەكە بوو، بەڵام دوای گۆڕانكارییەكانی ناوخۆی یەكێتی، دەستیپێلەكاركێشرایەوە.
