یاریزانی لاوی یانەی بەرشلۆنە، ئیایکس مۆریبا ئامادەنییە بۆندەکەی لەگەڵ یانە کەتەلۆنییەکەی نوێبکاتەوە، لەهەمان کاتدا ئامادەنییە ڕوو لە یانەیەکی دیکە بکات.
ڕۆژنامەی “موندۆ دیپۆرتیڤۆ”ی ئیسپانی بڵاویکردووەتەوە، ئیایکس مۆریبا هاوینی 2022 بۆندەکەی کۆتاییدێت، ئیدارەی بارسا ئۆفەری نوێیان پێشکەشکردووە، بەڵام یاریزانەکە و لێپرسراوی کارەکانی داوای دووهێندە موچەی ساڵانەیان کردووە، ئەوەش ئەو داواکارییەیە کە لاپۆرتا هەرگیز پێی قایلنابێت.
سەرچاوەکە نوسیویەتی، “نرخی گواستنەوەی مۆریبا 30 ملیۆن یورۆیە، ئەگەر لەم هاوینە ڕەوانەی یانەیەکی دیکە نەکرێت، هاوینی داهاتوو بێبەرامبەر ڕوو لە یانەیەکی دیکە دەکات، بۆ ئەو مەبەستەش یانەکانی ڕیاڵ مەدرید و مانچستەر سیتی ئامادەییان نیشانداوە موچەی ساڵانەی بەبڕی شەش ملیۆن بۆ تەرخانبکەن، کە سێ هێندەی موچەکەیەتی لە ڕیزەکانی بارسا”.
یاریزانە 18 ساڵەکە لە پێگەی هێڵی ناوەند ئاستێکی ناوازەی پێشکەشکردووە، زۆرینەی شارەزایان بە پۆل پۆگبای فەرەنسی چواندوویانە، وەرزی ڕابردوو 18 یاری بەدرێسی یانە کەتەلۆنییەکەوە ئەنجامدا و گۆڵێکی تۆمارکرد و سیانی ڕەخساند.
