لە دوو ڕووداوی جیاوزدا لە پارێزگای كەركوك پیاوێك ژنەكەی خۆی كوشت و كوڕێكیش بەچەقۆ باوكی كوشت.
سەرچاوەیەک لە پۆلیسی كەركوك بە تۆڕی میدیایی ئێستای ڕاگەیاند، “بەهۆی کێشەیەکی کۆمەڵایەتییەوە،هاوڵاتییەك کە موختاری یەكێك لە گەڕەكەكانی شارەكەیە هاوسەرەکەی بە دەستڕێژی گولـلە كوشتووە”.
وتیشی: “دوای ڕووداوەکەش موختارەکە لەلایەن پۆلیسی بنکەی عروبەوە دەستگیرکراوە و لێکۆڵینەوە لە ڕووداوەکە بەردەوامە”.
لە لایەكی دیكەوە لە ناحیەی پردێی سەر بە پارێزگای كەركوك، گەنجێک بەچەقۆ هێرشیکردووەتە سەر باوکی و برایەکی، بەهۆیەوە باوکی کە مامۆستایەکی دیاری ناحیەکەیە گیانیلەدەستداوە و براکەشی بریندارە.
