لە خۆراكی ئەمساڵی حەجدا كە بۆ حاجیان دابینكراوە، گەندەڵی كراوە، حكومەتی وڵاتەكەش بڕیاری لێپرسینەوەی داوە.
ئاژانسی هەواڵی سعودیە “واس” بڵاویكردەوە، وەزارەتی حەج و عەمرە ئاشكرایكردووە، لە چوارچێوەی بەدواداچوون و پشكنینەكانی وەزارەتەكە بۆ چۆنێتیی بەرێوەچوونی پرۆسەی حەج، سەرپێچییان لە خۆراكی پێشكەشكراو بە حاجیان ئاشكراكردووە.
وەزارەتەكە دەڵێت، ئەو خۆراكانەی پێشتر ئامادەكراون و پێشكەش بە حاجیان كراون، ئەو مەرجانەی تێدا نەبووە كە لەگەڵ كۆمپانیاكان لەسەری ڕێككەوتوون و كوالێتیی خۆراكەكە كەمتر بووە، بێ ئەوەی زانیاریی زیاتر لەبارەی شێوازی سەرپێچییەكە ئاتشكرا بكات.
بڕیاردراوە دوای تەواوبوونی لێكۆڵینەوەكان، ئەو كۆمپانیا و دامەزراوانە سزابدرێن كە سەرپێچی و گەندەڵییەكەیان كردووە.
