ئەمڕۆ سێشەممە سێ تەقینەوە لە خوێندنگەیەكی كوڕان لە كابول ئەنجامدران و قوربانیی هەن.
تەقینەوەكان لە گەڕەكی دەشتی بەرچی لە خۆرئاوای كابول كراون كە زۆرینەی دانیشتووانەكەی سەر بە مەزهەبی شیعەن و پێشتر داعش كردەوەی تیرۆریستیی لەو گەڕەكەدا ئەنجامداوە.
خالد زەدران وتەبێژی پۆلیسی كابول لە تویتەر هەواڵەكەی ڕاگەیاندووە و نووسیویەتی، “تەقینەوەكان لە خوێندنگەی عەبدولڕەحیم شاهد ڕوویانداوە و قوربانی لەناو برا شیعەكانماندا هەن”، بەبێ ئەوەی ژمارەی قوربانییەكان ئاشكرابكات.
