پۆلیسی گەرمیان ڕایگەیاند، پلانێکیان ئاشکراکردووە و پاسەوانی بانکی جیهانی کەلاریان دەستگیرکردووە، کە بە نیاز بووە ئەم جەژنە بانکەکە ببڕێت.
لە ڕاگەیەندراوێکدا پۆلیسی گەرمیان ئاشكرایکرد، “دوای وەرگرتنی زانیاری و چاودێریی ورد لەسەر تۆمەتبارێک، کە پاسەوانی بانکی جیهانە لە کەلار و ماوەی دوو مانگە پلانی دزینی بانکەکەی داڕشتووە و بەرنامەی دانابوو لە ڕۆژانی پشووی جەژنی قوربان بانکەکە ببڕێت”.
لە ڕاگەیەندراوەکەدا ئاماژە بەوەشکراوە، “شەوی ڕابردوو بەشی پۆلیسی نەهێشتی تاوانی گەرمیان توانییان ئەو پلانە پووچەڵ بکەنەوە و دوو تۆمەتبار دەستگیربکەن، کە یەکێکیان پاسەوانی بانکەکەیە و ئەوەی تریان ئاگاداری پلانەکە بووە”.
پۆلیس ڕاشیگەیاندووە، “دوای لێکۆڵینەوە لەگەڵ تۆمەتباردا لە بەردەم دادوەری لێکۆلینەوەی کەلار دانی نا بەتاوانەکەیدا، لەئێستادا بەبڕیاری دادوەر و بەپێی مادەی 444 بەندکراوە و لێکۆلینەوە لەگەڵیدا بەردەوامە”.
