ژماره‌یه‌ك چه‌كداری داعش له گوندێكی سنووری پارێزگای كه‌ركوك خاڵێکی ئەمنییان کردە ئامانج و بەهۆیەوە چوار سەربازی عێراقی کوژران.
پەیامنێرمان پێیڕاگەیاندین، ژمارەیەك چه‌كداری داعش به‌ربه‌ستێكی ئه‌منییان له سنووری پارێزگای كه‌ركووك كردووتە ئامانج و دوای شه‌ڕ و ڕوبه‌ڕوبوونه‌وه‌ی نێوانیان چوار سه‌ربازی عێراقی كوژران.
ئاماژەی بەوەشكرد، هێرشه‌كه له گوندی “ئیدریس غه‌رب”ی سه‌ر به قەزای دوبز له ڕۆژئاوای كه‌ركوك ئه‌نجامدراوه.
ماوه‌یەكە چالاكییەكانی چه‌كدارانی داعش له‌و ناوچانه زیادیكردووە و سوپای عێراقیش بۆ كەمكردنەوەی مەترسییەكانی داعش لە سنووری پارێزگاكانی دیالە و كەركوك و سەڵاحەدین ئۆپراسیۆنی سەربازی ئەنجامدەدات.
