ئامانجی سەردانەكەی كازمی بۆ واشنتۆن ئاشكرادەكرێت

ڕاوێژكارێكی سه‌رۆك وه‌زیرانی عێراق ئامانجی سه‌ردانه‌كه‌ی مسته‌فا كازمی بۆ واشنتۆن ئاشكرادەكات و دەڵێت، بۆ پرسی هەڵبژاردنەكان و كشانەوەی هێزەكانی ئەمریكایە لە عێراق.

حسێن عه‌لاوی، ڕاوێژكاری مسته‌فا كازمی ڕایگه‌یاندووە، سه‌ردانه‌كه‌ی سەرۆك وەزیران به‌شێكە له‌ چوارچێوه‌ی دیالۆگی ستراتیژی عێراقی – ئه‌مریكی، هه‌روه‌ها گفتوگۆ له‌باره‌ی خشته‌ی كه‌مكردنه‌وه‌ی هێزه‌ ڕاوێژكارییه‌كانی ئه‌و وڵاته‌ له‌ خاكی عێراق ده‌كرێت، هەروەها پەرەپێدانی پەیوەندییەكانی هەردوو وڵات لە بوارەكانی ئابوری و سەربازی تەوەرێكی دیكەی كۆبوونەوەكان دەبێت.

ئاماژەی بەوەشكردووە، لەسەردانەكەدا وادەیەكی دیاریكراو دیاریده‌كرێت بۆ گه‌ڕانه‌وه‌ی په‌یوه‌ندییه‌كانی به‌غداد و واشنتۆن بۆ پێش سه‌رده‌می داگیركردنی موسڵ له‌ ساڵی 2014 دا لەلایەن داعشەوە.

ڕاوێژكارەكەی كازمی باسی لەوەشكردووە، “سەرۆك وەزیران كار بۆ ئه‌وه‌ ده‌كات په‌یوه‌ندییه‌كانی عێراق و ئه‌مریكا له‌ چوارچێوه‌ی سه‌ربازییه‌وه‌ بگوازێته‌وه‌ بۆ گشتگیر له‌سه‌ربنه‌مای ڕه‌هه‌ندی سیاسی و ئابوری”.

عەلاوی ئەوەشی وتووە، “هەر لەسەردانەكەیدا كازمی پته‌وكردنی ئابوری عێراق‌ له‌گه‌ڵ سندوقی دراوی نێوده‌وڵه‌تی و لایەنە پەیوەندیدارەكان له‌سه‌ر ئه‌و وه‌ره‌قه‌ سپیه‌ی كه‌ حكومه‌ت پێشتر خستبویەڕوو تاوتوێدەكات”.

بڕیاره‌ كۆتایی ئه‌م مانگه‌، مسته‌فا كازمی سه‌رۆك وه‌زیرانی عێراق به‌سه‌ردانێكی فه‌رمی بگاته‌ واشنتۆن و له‌گه‌ڵ جۆ بایدن سه‌رۆكی ئه‌مریكا و به‌رپرسانی ئه‌و وڵاته‌ كۆببێتەوە.

بابەتی پێشتر

ئەو ئەفسەرەی هیشام هاشمی کوشت "سەر بە حزبوڵای عێراقییە"

بابەتی دواتر

داعش هێرشیكردە سەر گوندێكی سنووری پارێزگای كەركوك

بابەتی پەیوەندیدار
زیاتر ببینە

عێراق لەبارەی ئاساییكردنه‌وه‌ی په‌یوه‌ندییه‌كانی له‌گه‌ڵ ئیسرائیل چی دەڵێت؟

وه‌زیری ده‌ره‌وه‌ی عێراق، به‌ ئاماژه‌دان به‌وه‌ی كه‌ هه‌ڵمه‌تی ئاساییكردنه‌وه‌ی په‌یوه‌ندییه‌كان له‌گه‌ڵ ئیسرائیل پێشكه‌ش بە عێراق نه‌كراوه‌، تیشكی خسته‌…
Total
1
Share