ژمارەی قوربانییانی هێرشە درۆنییەكەی سەر كۆلێژی سەربازیی حمس بۆ زیاتر لە 80 كەس بەرزبووەتەوە و زیاتر لە 120 كەسی دیكەش برینداربوون و بەو بۆنەیەوە سێ رۆژ پرسەی سەرتاسەری لەو وڵاتە راگەیەندرا.
میدیاكانی ئەو وڵاتە بڵاویانكردووەتەوە، بەهۆی هێرشێكی درۆنییەوە كە كۆبوونەوەیەكی جەماوەری لە دوای چەند خولەكێك لە كۆتاییهاتنی ئاهەنگی دەرچوونی خوێندكارانی كۆلێژی سەربازی لە حمسی سوریا كردووەتە ئامانج، 80 كەس گیانیان لەدەستداوە و زیاتر لە 120 كەسی دیكە برینداربوون كە بەشێكی زۆری ئەو كەسانە هاوڵاتی مەدەنی بوون.
هاوكات حكومەتی سوریاش، بۆ دەربڕینی هاوخەمییەك بۆ ئەو كارەساتە، سێ رۆژ پرسەی سەرتاسەری لە وڵاتدا راگەیاند.
