حكومەتی هەرێمی كوردستان بەفەرمی ڕۆژانی پشووی بەبۆنەی جەژنی قوربانی دیاریكرد.
فەرمانگەی میدیا و زانیاریی حكومەتی هەرێمی كوردستان بڵاویكردەوە، بەبۆنەی ھاتنی جەژنی قوربانەوە ڕۆژانی 20 و 21 و 22ـی تەمموز، پشووی فەرمییە، لەپاڵ ئەوەشدا حکومەتی ھەرێم، ڕۆژانی 18 و 19ـی تەمموز وەکوو پشووی فەرمیی ڕادەگەیەنێت.
بەپێی بڕیارەكە تەواوی هەفتەی داهاتوو دەبێتە پشوو و ڕۆژی یەكشەممەی دواتر 25ی تەمموز دەوامی ئاسایی فەرمانگەكان دەستپێدەكاتەوە.
پێشتر 20ی تەمموز بە یەكەم ڕۆژی جەژنی قوربان دیاریكرا.
