وەزارەتی کارەبای حکومەتی هەرێم ڕایگەیاند، هەر کارمەندێکی وەزارەتەکە، ڤاکسینی وەرنەگرتبێت لە سبەینێوە ڕێگای پێنادرێت بچێتەوە سەر کارەکەی.
لە نوسراوێکدا کە وێنەیەکی دەست تۆڕی میدیایی ئێستا کەوتووە تێیدا هاتووە، “بەمەبەستی پاراستنی ژیان و تەندروستیی هاوڵاتیان و فەرمانبەرانی وەزارەتی كارەبا و پشت بەستن بە بڕیار و ڕاسپاردەكانی لیژنەی باڵای بەرەنگاربوونەوەی كۆرۆنا، هەر فەرمانبەرێک، ڤاكسینی وەرنەگرتبێت ڕێگەی پێ نادرێت دەوام بكات و ئەو هاوڵاتیانەشی ڤاكسینیان وەرنەگرتووە، ناتوانن سەردانی بەڕێوەبەرایەتی و فەرمانگەكانی كارەبا بكەن”.
ئەم بڕیارە لە ڕۆژی یەكشەممەوە 23ی 1، بەبێ جیاوازی لەلایەن بەڕێوەبەرایەتیی گشتیی دیوانی وەزارەتی كارەباوە جێبەجێ دەكرێت.
وەزارەتی کارەبا ڕاشیگەیاندووە، “جێبەجێكردنی ئەم ڕێنماییە، لەپێناو ڕووبەڕووبوونەوەی كۆرۆنا و شەپۆلی نوێی كۆرۆنایە، كە پێویستە سەرجەم فەرمانبەران بۆ پاراستنی خۆیان و هاوكارانیان و هاووڵاتیان پابەندیی ڕێكارەكانی خۆپارێزی بن.
