دوای ئەوەی سێ ساڵ پێش ئێستا ژنێکی کوردی دانیشتووی شاری ورمێ، لەلایەن هێزە ئەمنییەکانەوە دەستگیرکرا و دووگیان بوو، لەناو زینداندا منداڵی بووە و ئەمە بۆتە هۆی ڕاگرتنی لەسێدارەدانەکەی.
ڕێکخراوەکانی مافی مرۆڤ لە ڕۆژهەڵاتی کوردستان ڕایدەگەیەنن، “بەرپرسانی بەندیخانەی ورمێ، هەواڵی هەڵوەشاندنەوەی بڕیاری لەسێدارە دانیان بە زارا فەرهادی ڕاگەیاندووە، ئەوەش دوای ئەوەی لەناو بەندیخانەدا بووەتە دایک”.
زارا فەرهادی لە ساڵی 2019 دا بەتۆمەتی بازرگانیکردن بە مادەی هۆشبەر دەستگیرکراوە و لەلایەن دەزگای دادوەریی کۆماری ئیسلامی ئێرانەوە سزای لە سێدارەدانەکەی دەرکراوە.
بەپێی زانیارییەکانی ڕێکخراوی هەنگاو، ئێستا لەناو بەندیخانەی ورمێدا 12 ژن ڕاگیراون، کە سزای لەسێدارەدانیان بەسەردا سەپاوە.
