شاندێكی پارتی سەردانێكی نهێنیی دوو ڕۆژەی بۆ ئێران ئەنجامداوە

دیدارێكی پێشووی شاندی پارتی بە سەرۆكایەتی هۆشیار زێباری لەگەڵ ئیبراهیم ڕەئیسی سەرۆكی هەڵبژێردراوی ئێران و سەرۆكی ئەوكاتی دەزگای داد

شاندێكی پارتی بەنهێنی سەردانێكی دوو ڕۆژەی بۆ تاران ئەنجامداوە و سەرچاوەیەكی ئاگاداریش دەڵێت، لەگەڵ بەرپرسانی پەیوەندیدار بە دۆسیەی كورد كۆبووەتەوە.

سەرچاوەیەكی بەرپرس و ئاگادار بە تۆڕی میدیایی ئێستای وت، سێشەممەی ڕابردوو 29ی حوزەیران شاندێك بە سەرۆكایەتی فازڵ میرانی، سكرتێری مەكتەبی سیاسی و بە بەشداری هۆشیار زێباری، ئەندامی مەكتەبی سیاسی پارتی دیموكراتی كوردستان سەردانی تارانیان كردووە و چاویان بە بەرپرسانی پەیوەندیدار بە دۆسیەی كورد كەوتووە.

وتیشی، “لە دیدارەكاندا باس لە باشکردنی پەیوەندییە دوو قۆڵییەکان دەربارەی هەرێم و عێراق کراوە، بەڵێنیش دراوە پەیوەندییەکان پتەوبکرێن و گەشەیان پێبدرێت”، جگە لە تاوتوێكردنی ئەو هێرشانەی بەمدواییە كرانەسەر هەولێر و ناوچەكانی دەوروبەری.

بەپێی وتی سەرچاوەكە، كە نەیویست ناوی ئاشكرابكرێت، شاندەكە ڕۆژی دواتر گەڕاوەتەوە هەرێم.

ئەو سەردانەی شاندی پارتی لەكاتێكدایە ماوەی چەند مانگێكە هێرشی گروپە چەكدارەكان بۆسەر هەولێر و دەوروبەری زیادیانكردووە. تەنها سێ ڕۆژ بەر لە سەردانەكە و لە 26ی حوزەیران لەڕێی سێ درۆنەوە هێرشێك بۆسەر گوندی براغ نزیك لە شارۆچكەی پیرمام ئەنجامدرا.

جگە لە چەند هێرشێكی دیكە كە دیارترینیان هێرشەكەی 16ی شوباتی ڕابردوو بوو بۆ سەر فڕۆكەخانەی هەولێر و چەند ناوچەیەكی دیكەی شارەكە و بەهۆیەوە دوو كەس كوژران و نۆی دیكەش برینداربوون.

بابەتی پێشتر

ئه‌نجومه‌نی ئاسایشی هەرێم دانپێدانانی داعشێكی بڵاوکردەوە

بابەتی دواتر

وەزارەتی پەروەردە چەند بڕیارێكی نوێی لەبارەی تاقیكردنەوەكانەوە دەركرد

بابەتی پەیوەندیدار
Total
1
Share