وەزارەتی کارەبای هەرێم ڕایدەگەیەنێت، لە مانگی پێنجدا، نیوەی هاوڵاتییان لە پڕۆژەی ڕووناکیدا کەمتر لە 38 هەزار دیناریان بۆ گەڕاوەتەوە.
وەزارەتی کارەبای حکومەتی هەرێمی کوردستان لە ڕاگەیەندراوێکدا بڵاویکردەوە، زۆرینەی هاوڵاتییان لە مانگی پێنجدا، ماوەی خولی پسوولەکەیان نزیکەی 41 ڕۆژە و نیوەی ماڵان، لە پڕۆژەی ڕووناکیدا کەمتر لەم بڕانەی خوارەوەیان بەکارهێناوە و بۆیان گەڕاوەتەوە:
کەمتریان بۆ گەڕاوەتە لە (دینار)
کوردستان: 38,000
هەولێر: 43,000
سلێمانی: 32,000
دهۆک: 41,000
هەڵەبجە: 30,000
کەمتریان بەکارهێناوە لە (کیلۆوات کاتژمێر)
کوردستان: 550
هەولێر: 610
سلێمانی: 465
دهۆک: 620
هەڵەبجە: 423
ئاماژەی بەوەشکرد، تاوەکو ئەمڕۆ، زیاتر لە %90ـی هاوڵاتییانی کوردستان کارەبای 24 کاتژمێرییان بۆ دابینکراوە لە ڕێگەی پڕۆژەی ڕووناکی.
وەزارەتی کارەبا دەشڵێت، بەپێی نرخە نوێیەکان، 80%ـی هاوڵاتییان، بەتایبەتی کەمدەرامەتان، بەردەوام پارەیەکی کەمتر دەدەن لە جاران بە بەراورد بەو پارەیەی پێشتر دەیاندا بۆ کارەبای مۆلیدە و کارەبای نیشتمانی.
